|
|
späť
Otázka
„Slava Isusu Christu. Chotila by jem sa oprositi, že što je cieľom vsenočnoho bdenia a jakyj mat vyznam. Ďakuju za skoru odpoviď. Spasi Hospodi!“
Katarína
Odpoveď
„Slava na viki Bohu! Mila Katarina, cieľom vsenočnoho bdenia je uctiti si cerkovnyj prazdnik abo svjatoho, kotroho pamjať cerkov pravi prazdnuje a prežiti s Bohom skoro cilu noč v molitvach, v spasiteľnych poučiňach Božoho Slova a hlavni v Pričastiji Tila a Krovi Christovej. Vyznam vsenočnoho bdenia je hlavni v tom, že vďaka dosť dolhomu času prežitomu v molitvi v nočnom tichu v chrami, de čelovika nič nerušit, zostavat spomienka na cerkovnyj prazdnik abo pamjať svjatoho dovho i hlboko v serdci. Duchovni krasne vsenočne bdinije zostavat v pamjati i serdci často i cile roky a na dakotre sa nezabudat može ani do smerti. Aj o Isusovi Christovi sa piše, že po nočach otchodil na puste misce, žeby sa tam molil a Christos robil všytko tak, žeby nam ukazal priklad, jak sa spasati, jak žiti Bohu uhodno (milo), jak zdokonaľovati svoj duchovnyj žyvot. Vsenočne bdinije je vyjadriňom ľubvi ku Bohu, ku Bohorodici a svjatym našej cerkvi, s kotrymi sa pri vsenočnom bdiniju stritavame jak jedna duchovna rodina i od kotrych si bereme poučiňa a priklad pro naš žyvot.“
S ľuboviju vo Christi
jerej Stefan P., ml.
10. december 2012
Untitled Document
|