|
|
späť
Otázka
„Sláva Isusu Christu! Moja otázka je, že jak je mi abo dakomu druhomu bars zle, jaku molitvu sa treba molity (a či daka taka molitva je). Jak by ste mohli, napište mi totu molitvu. Ďakuju.“
Alexander
Odpoveď
Milyj Alexander
"Neznam či maš na mysli dajaku chorobu, tilesnu abo duševnu, abo napriklad pocit zufalstva. Ket maš na mysli duševnu abo tilesnu chorobu a utrpiňa, najvecej sa v cerkvi použivat tota molitva: „Vladyko Vsederžiteľu, Svjatyj Carju, nakazujaj i ne umerščvľajaj, utverždajaj nizpadajuščija i vozvoďaj nizveržennyja, tilesnyja čelovikov skorbi ispravľajaj, molimsja Tebi, Bože naš, raba Tvojeho (imja rek) nemošstvujušča positi milostiju Tvojeju, prosti jemu vsjakoje sohrišenije voľnoje i nevoľnoje. Jej, Hospodi, vračebnuju Tvoju silu s nebese nisposli, prikosnisja tilesi, uhasi ohnevicu, ukroti strasť i vsjakuju nemošč tajuščujusja, budi vrač raba Tvojeho (imja rek), vozvihni jeho ot odra boliznennaho i ot loža ozloblenija cila i vsesoveršenna, daruj jeho Cerkvi Tvojej blahouhoždajušča i tvorjašča voľu Tvoju. Tvoje bo jest, ježe milovati i spasati ny, Bože naš, i Tebi slavu vozsylajem, Otcu, i Synu, i Svjatomu Duchu, nyni i prisno, i vo viki vikov. Amiň.“ Žeby jes tej molitvi dobri rozumil, napišu Ti i jej približnyj preklad: „Vlydyko, kotryj všytko trimeš vo svojej moci, kotryj napominaš, ale nesposobuješ smerť, kotryj davaš silu padlym, dvihaš zvrhnutych a pomahaš ľuďom prekonati ich tilesny trapiňa, molime sa ku Tobi, Bože naš, priď ku choromu služobnikovi Tvojemu (meno) a milostivo mu odpusti všytky joho vedomy i nevedomy sohrišenija (hrichy). Zošli na ňoho z nebes Tvoju uzdravujucu silu, doktni sa joho tila, vozmi ot ňoho horjačku, zmierni joho utrpiňa a každu skrytu chorobu, uzdrav raba Tvojeho (meno), zdvihni ho z joho posteli a nešťasťja tak, žeby byl dokonale zdravyj. Daruj ho Tvojej Cerkvi, žeby jej dobri služil a robil všytko podľa Tvojej voľi. Lebo Ty jes ku nam vše milostivyj a chceš nas spasiti, Bože naš, a my Ťa za to oslavujeme Otca, i Syna, i Svjataho Ducha, teraz i vše i na viki vikov. Amiň.“ Totu molitvu sa možeš moliti i za sebe i za druhych a možeš ku nej, samozrejme, pridati i svoji vlastny slova ot serdca, to što citiš abo chceš povisti Bohu.“
S ľuboviju vo Christi
jerej Štefan Pružinskyj
26. apríl 2010
Untitled Document
|